Aktualune Nevipya

Kana dikhlargyola o duryaripe e personyendar kola mangna sadaka kotar o Prizren?

  • 03/12/2018
  • By Romano Avazo
Share

O imashya kreirime kotar o jene kola magna sadaka, buderi kolendar si qhavore, kola si sakodive ano centro e Prizrenoskko “ Shatervani”, sar dikhlola akate si te aqhon pandar yekh vahti, biumlavipeya kay vash o buderi dizutne, ayekha skene kola ola kerena ule bute marazle thay  na shukar dikhle.

Ji kay o dizutne thay som jene kotar o biznisi ano centro e dizako rovlargyona vash na mekipe rahati kreirime kotar o jene kola mangena sadaka, e Policia thay o Prizrenoske lokalune autoritetya kerena bango o thami, sikavipeya optimizmo kay olenge yaveripeya, sit e yaveringyol ini e situaciya ano sheruno centro e dizako, kova but ver dikhlola sar yekh kampi e jenengo kola mangena sadaka, hraminla “GazetaePrizrenit.net”.

Yekh kotar o afaristi prizrenliya, Rafet Bushati kova si kotor e Komitetesko vash Komunitetya vash Sugiripe ani Unia, phengya kay ji akana ulo but hari buti e jenencar kola mangna sadaka, numay sar si informipya o qhavore kola operinena akate si kotar o duy familie, yekh kotar o Prizreno, yaver kotar e Jakova.

Ano akava konteksti, sheruno e Prizrenoska Komunako, Mytaher Haskuka kay ano akava suro sinele ledeipe e policia, numa palo olengo duryaripe ola o jene kola mangena sadaka pale irandepe. “ Ajukara o thami sar ano yavera rashtre, kote te sine kay ano 3 surya astargyola yekhuno qhavoro mangipeya sadaka, odoya ver o qhavoro sit e lelol kotar e rashtra:, phengya ov.

Referipea pe rezultatya thay situaciya ano tereni, e policia phakyala kay si peripe e gendosko kola mangena sadaka, numay but ver ini sikavgyola kay olengo gendo na si ini abokar tikno.

Ano akava konteksti , penjargyola kay ini o Subyekti Mamuy Trafikipesko e Manushencar ano Prizreno sinela nesave reagime thay tretiripe akale suryengo, ano aspekti e qhelele tretiripeske vay sahmekipesko e qhavorengo ( ano suro kana o dayadada truminde vay bereber agorinde rodipya e sadakako).Sar sip e policiaya , ano nakhlo bersh kotar akava subyekto inicirisale 9 surya. ./GazetaePrizrenit.net/s