Hospitali “Isa Grezda” ani Jakova publikingya chonesko raporti kote ovela pe janipe kay pe lungipe yanuaresko isiton hospitalizime 963 paciyentya.

Ano raporti vakergyola kay 58 paciyentya isiton ani Hirurgiya,35 ani Ortopedia,21 ani Urologiya,9 ano ORL,13 ani Oftamologiya,289 ani Ginekologiya,147 ani Neonatologiya,74 ani Pediatria, 159 ano Interno,18 ani Infektivuni klinika,27 ani Neurologiya ,29 Psihiatriya,69 Pulmologiya,4 ani Dermatologiya,8 ano Intezivuno Dikhat,thay 13 ano Koronaruno reparti.

Adive hramingyola Mashkarselikano Dive mamuy epilepsia
Sakova bersh ano duyto kurko e chonesko februaro manusha ovena kethane vash te penjargyon pedero problemi kote personya isilen epilepsia thay familiyarune som jene.

Hramipe akale divesko ovela pe ohtoto ver ani Kosova kota Amalipaski rig mamuy Epilepsia ani Kosova kote pe 2011 bersh isitoy som jeno e Internacionaluna Evropaka Ligako mamuy Epilepsia.