Irati agorisale o kedibya kola adikergya o Thaqi

232

 

Kosovako Presidento, Hashim Thaqi, akala dive adikergya konsultativune kedibya vash e neve Raipasko kriiripe. O kedibya agorisale irati.

Palo alava ani Konferancia o Presidento yekhatar biqhalgya duy lila e sherunomisitreske kova si pe obligipe, Albin Kurti, vash te gatisarel o nevo anav e mandataresko kova shay te krririnel o nevo Raipe.

 

Phanglo akaleya e Kurteski partia phengya kay ka iranel yekh jevapi ano yekh adekuatno vahti, mashkar akaya kriza e viruseski.

Ani aver rig, Ehat Miftaraj, direktori kotar o Kosovako Instituti vash o Krisi vakergya kay o Thaqi na sile hako te mangel yekha partiatar o mandatari vash te kriirinel nevo Raipe. E Kosovaki Thamidarin phenlla kay ole na sile hako.

Te sine kay e Partia LVV na dela nisavo jevapi odoya ver o Thaqi musay te ajukarel yekh deciziya kotar e Thamidarinaki Krisalin.

Politologi Ramush Tahiri phengya kay o Thaci manlape te kerel buti palo jevapi e Albin Kurtesko sar sherunoministri ano obligipe.

Te sine kay o Kurti dela yekh anav sar mandatari odoyaver procedinyola thay o Presidento odova anav dekretinla. Palo kava oleske dengyola vahti vash 15 dive kay te kriirinel poro Raipkano kabineti. Te sine kay na dengyola o anav e mandataresko odoya ver o president dela o mandate e aver partiake: sine alava e Tahireske.