Intervista e Prizrenoske Sherunea

375

Irati ano radio “Romano Avazo” sinemen e “Specialuni Emisia” kote amencar sine misafiri o Mytaher Haskuka, sar sheruno e Prizrenoska Komunako kova vakergya phanlo e menaxhipa e pandemia COVID-19. Ov irangya jevapi ano amare puqipya kola siyem gatisarde tumenge ani hramimi forma.


Vash o respektipe e masengo ov vakergya kay: “Pe shrdipe gndingyam kay ka ovel problemi, vash o sebepi kay sine komplikacia ano orarya thay ano vahti kova si 1 ora tekvash kova yaveringyola sakova trin (3) dive. Sasavipeya o mase respektingyona, ini seske simen vrde kay si per carkulacia numay on si oficialune manusha kotar e komuna, doktorya, policie, kompanie kola kerde rodlaripa thay lele qaqipasko lill kova delolen hako te phiraven piri buti.

Ano but surya e Policia barandinel, numay amen nasimen kefi vash te barandingyon amare beshutne. Mangipeya kay saren te respektinen may but o mase.”
“Koronavirus si buhlardo ano sakova than e sumdalesko, na si yaveripe ani baza e kontinenteski, etniciteteski vay religiaki, ini ani Kosova sa o manusha kola jivdinena shay te oven qalavde e infektipa. Ani Prizrenoski Komuna simen yekh (1) suro kotar o komuniteti vi ayekha pandar bishuohto (28) surya aver. Amen na jana lengo etniciteti”, phenlla o Haskuka.

Ov vakar may buhlo hari e suroa kotar o komunitetya.
“Ano aspekti e testipasko, Instituti vash o Sastipe, lelape e analizencar thay on decizinena kaske te kerelpe testi. On intervistinena e familiake jenen thay e persoynen kola iklona pozitiv e COVID-19, palo akava lugyarne per bukya vash te anen yek deciziya”, akale alavyencar o rayo Haskuka informishingya e averen so kergyola e suryencar thay ko si kompetento te kerel buti e suryencar.

“Irati sine 18 testipya kotar o Prizren, e manushenge kola sine kontaktya vay kontaktyenge kontaktya. Ayeka ini ko sinele nesavi simptoma. Sah akala familenda manglilo kay te phanempe ano poro kher thay amen sar Komuna siyem pe monitoripe akale familiengo. Vash o suro e romnyako koya si infektimi, oy sine ani yek aver diz, kana ali khere sine nasvali thay infardili ano Prizrenosko Hospitali kote ini one yekhatar ingardeola ano QKUK thay diagnostifikisali e COVID-19. Amen rodingyam kay e familia te izolingyon, thay ka rodlarav kotar o IKSHPK kay ano Prizren te oven may but testipya” phenlla o Sheruno e Prizrenoska Komunako.

Ano puqipe vash azhutipe e leparna familiake thay ledeipe e romenge subyektyencar thay organizaziencar ov dengya akava jevapi: “O Yekhto divestar kana manglipe o korkophandipe, biqaldile duy paketya yekhatar. Sinelen vi aver rodlaripya kola sit e pherel o Emergentyuno Shtabi. Sinemen kontakti ini emailencar e subyektyencar, vakergyem llake qhavea kova si avrial, vi ayeka ini e unukoa, talo 16 bersha, vash e ilaqenge mangipya kote e Sastipasko Direktori si te lel pe konsideripe, numay vakergem vi e Osman Osmaneya sar jeno kotar o NVK. Ayeka sinemen kontakti vi e telune ministrea vash phuvyake buky, Erxhan Galushi, vash o manusha kola sip e butikeripe e phuvyake bukyencar te ovelolen shaipe thay hako te iklon pe buti”.

O rayo Haskuka, vizitungya e Romani Mahalla, Terzimahalla kote sinele shayipe te ulavel nesave paketya kay dendile kotar e TIKA thay ano akava drom ov kergya lafi vi e beshutnencar.
Vash o agor ov dengya pandar informipya thay kergya apeli e habitatyenge vash te respektinen o mase. Vash may buhlo so vakergya ano agor o Mytaher Haskuka, sheruno e Prizrenoska komunako drabaren lesko agorutno vakeripe!
“Tumen situmen direktno kontatipe e Prizrenoske beshutnencar, mangava te kerav yek apeli kay te respektingyon o mase thay undara kola dendile kotar o doktorya thay infektologya. Te adikeren 2 metrengi distance, te vastinen maske thay vastalina, te sine kay nasilen vastalina ma te qallaven poro muy, akya. Kana iranenape khere nek thoven pe vasta vash ten a anen o viruse khere, ma te nakhen ano familiarune vizite. Te sine kay ka respektina akala rekomandipya n aka mangelpe neve mase, ka ovelmen shayipe te kontrollina o buhlipe e virusesko.

Te sine kay ka ova neglizhentya doya var ka ovelmen mangipe vash neve mase. O manusha palo duy kurke shay te len kan kay siton infektime, ji odova vahti on phiravena o viruse thay infektinena yekhe-yavere. Te sine kay na dara vash korkore amenge musay siyam te dara vash amare phure kola jivdinena amare kherende, ini seske but terne mule akale virusestar. Ani sah lumia o gendo e mule jenengo giriqingya sheluparesh mile (150.000). Manlape godyalipe!

Me kergyum lafi e direktorka kotar o Infektivuno centro ano QKUK, vash e situacia e Prizrenoske habitatyengi vi aver habiutattyengi. Yekh (1) habitati si ani kritikuni situacia, shtar (4) si ani intenziva, e romni kotar o komunitetya si shukar yekver numay na janlape sar ka ovel ano avutne dive. O kapaciteti e klinikako si pherdo, infektiva thay intenziva na silen stafi, te sine ka ovelmen pandar nasvale jene ka ovelmen bare problemya.
Vash o sebepi kay tumaro radio shungyola ini aver habitatyendar na numay roma, mangava dav yek mesazhi.

O mase sip hare, numay janena kay te sine kay nashalla ano ekonomikuni aspekti ka ovelmen shayipe kay but sig te irana palem numay o manusha kola ka yaverinen poro jivdipe doya ver olen nashti te irana.
Oveni godyale, besheni khere thay respektineni o mase!”