Janglargyona, sa o terne e komutetyenge Rom, Ashkalie thay Egipqayna pederal deshuohto (18) bersha vash o beraberuno shayipe ano programi e praktikaka bukyako, vash o kandidatya kola si diplomirime e mashkarune shkolenge thay universitetenge kay si gatisarne te phiraven praktikuni buti trin (3) vay shov (6) qhonya, shrdipa e datatar 15 februari 2020 ji pe 31 decembro 2020, ano sah sektorya leipa vaza e studiripaske umala, ano komune sar: Prishtina, Fush Kosova, Lipyana, Ferizay, Pekya, Klina, Istog, Gjakova, Prizren thay Graqanica.

Akala praktika o terni silen shayipe kay te laqaren pere janipya kolencar pe avipe ka azhutenenolen vash te oven butirkerunte ano kompanie vay institucie palo agoripe e praktikuna bukyako.

Res akale programesko si kay o terne te gatisargyon vash o bukyako kinbiknibe, kote palo agoripe e praktikuna bukyako te sine kay lengi performance sit e diklargyol kay si laqhi odoya ver shay te oven rregullarune butikerutne.

Ayekha azhutipyencar e naraipni organizacia VoRAE (Voice of Roma, Ashkali and Egyptians) muqinelpe te harnikeren e romenge problemya thay te delolen iklipe buderi problemyenge.

Vash pandar informipe, puqipya, konsultipe khareni ano gendo +383(0)49 714 100 a o dokumentya musay te biqhalgyon ani email adresa s.ibishi@vorae.org specifikipeya ani titulla sar subyekto o aplikipe vash praktikuni buti.