Hoxhaj: Akava bersh na si nacionalune alosaripya,isimen aver buti

454

Yaveruno ministri Enver Hojay, khargya absurd bulushipe e opozita vash te pelaren Raipe kana ajukergyola cidipe vizako,transfaormacia FSK ani askeriya, thay resipe e somgodinipasko e Srbiya. Ov vakergya kay pe akava bersh ano angloyevend na ka ovel alosaripe,feri so isilen aver buti te agorinen. “Ano yek vahti kana amen ajukera liberalizipe e vizako,ano yek vahti kana ajukera te dengyol hrami pe lil e Srbiya koya ka ovel mashkarosa thay niso po hari,ano vahti kana amen siyen ano procesi e transfomipasko kota FSK- aki askeria e Koosvaki,isito absurdrno ano angloyevend 2018 daykhoro te rodel te pelaren raipe”vakergya Hojay vash Ekonomia Online.

Vijaipe ano yek harno partiako vahti na dela servisi vash thanutno interesi.Ayeka kay amari res sar Demokrativuni Partia e Koosvaki isito kay na si alosaripe pe akava angloyevend. Numay talosheruno e PDK-partiako na mohingya shaipe e alosaripasko pe avutno bersh. Hojay vakergya kay Haradinay phikoingya PDK- vash phanipe e shrdime bukyako vash kolenge isiton adikerde alosaripya thay isitoy formirimi koalicia odoya aktualuni yek bersh pe angle. Ani politika sakova dive isito nevo,kurko isito lungo,thay me dava proposal kay Haradinay isiole kota amari rig pherdo phikodeipe ini te sine kay avazya kota PDK shay te den nevipe kay ka avel ji pe anglovahtyuno alosaripe,Akava na sito,akaya na sitoy pozicia e PDK-aki,me vakerava ano nav e sherunesko thay vakerava ano nav e sherunipasko kota PDK”deklaringya ov. “Amen vash soske siyem interesime isito kay Kosvake dizune ajukerna kota raipe te phanen nesave bukya kola amen shrdingyem.

Naklo bersh gelem ano anglovahtyune alosaripya vash te ovelamen yek koalicia koya lela decizia,ratifikipe e somgodinipasko e Montenegroa ,ano dialogi decisingyem te phira angle”,vakergya Hojay.