Harno  arakhipe  e kosovake  presidentea Hashim Thaci  thay rusiyako presidento   Vladimir Putin ano Pariz,kote kethane  e sundaleske phiravnenca   lele kotor ano manifestipe  e suroa 100 bershuno agoripe kota   Angluno Sundalesko mareba, sasavipeya angya reagipe ani Kosova.

Numay,Thaci vastingya  akava shayaripe te arakhope  ini e amerikake,franciyake, turkyune  presidentea thay germaniyaka kancelara.

Thaqi vakerla  kay  savorenca kota sundal kova diskutingya   vash alosaripe  e surosko Kosovo-srbyuno pucipe,

lela  carboyako  dudi kay  diyalogea   vash normalizipe  thay ledeipe mashkar Kosova thay Srbiya   te reslol yek  krisyuno lekanipe.

Pe  akava  konteksti,  diklola  kay vash Presidento Thaci  isito vasno  phikodeipe, kova  sar  si  pe  leste ,lela  ini  kota  rusiako presidento  Putin.

“ Phando  akale pucipa,Putin sine klaruno:Te sine kay tumen (Kosovo thay Srbiya)  resna traynutno lekanipe,Rusia  shay te  phikoinel”,transveringya Thaci o  mesazhi e Putinesko prekal socialuni rafin.

Ano intervyu e televiziako Klan Kosova,Thaci vakergya kay ayeka vakeribe  e Rusia sine   manglo  ani kosovaki diplomacia thay vakergya  e Putineske kay Rusiya  thay  Kosova  na siton  ni dosti  ni dushmani thay kay  Rusiya shay te yaverinel  ledeipe  prekal  Kosova.

Ano  nevipe  phando e arakhipa Thaci thay Putin yekaforata  reagingya   somjeno  kota Demokrativuni Aleanca e kosovaki Vyosa Osmani,koya dengya mol  kay bulushipe(vast vastea) Putin thay Thaci  sasavipeya  na  ajukergya.

“Akava, sebepi kay pe angluni  ver  ani kosovaki  storia,yek albanyuno politikani puterdo  phikoinla srbyune  thay rusiake planya vash Kosovako ulavipe”,vakergya Osmani.

Numay Yakup Krasnici,pe komentaryengo than  thogya efta  puterde pucipya Hashim Thaceske.

Mashkar olende ko shay manglape te gatisarel akava  ledeipe e Srbiya,isito mi presidento  Thaci autorizimo kota Sombershipe yase  ko dela garancia  vash  eventualuno  ledeipe.

Hashim Thaci palo harno vahti numay palo intervyu ano TV klan Kosova   dengya respondipe  kay ledeipe shay te gatisarel  Komisia   koya  isitoy phandi  e kosovake sombershipa,numay negocia kota  alosardi rig e Sombershipasko.

“Te  sine  kay Rezulucia 1244 elemingyola,yekaforata  cidingyola ini veto  Rusiako prekal Kosova”,vakergya cacipa Thaci.

Ayeka  ini sherunoministri e kosovako Ramush Haradinay ano intervyu televiaziako  T7 komnetingya arakhipe  Thaci thay Putin kote vakergya kay isito  but skeptikuno thay na dikhela  varesavo yaveripe  ano sverako interesipe.

“Amen siyen  ani amerikaki interesipaski zona.  Amen na  pera  dayk aver zonake.Amerika  isimen  siguripe.Rusiya isitoy avri odola zonata.Agenda e Rusiako ano Balkani  isitoy blokirimi agenda”vakergya  Haradinay.

Politikuno  analisti,Astrit Gashi  pelakergya  ani godi kay,”savore akcionarune  korporacie”kharde Behjet Pacole”Rus”,feri so personaluno  penjarla  sine Boris Yelcine.

“So vakerna  akana on kay olengo phiravno  Hashim Thaci  araklilo  yek na shuzhe Rusea,Vladimir Putin.Isito vash olenge Thaci   Rus? So pobuderi,najana  niso ini ko  aranzhingya dikhipe –sasavipea Pacoli  vakergya ini kay araklape…”,reagingya Astrit Gashi.

Kosovako presidento  rodela  buvlo phikodeipe  kota pozita thay opozita vash poro plan”koorijipe  e samatrandako”vakeriba ini indirekno kay ano  achavipe e phikodeipe kota Raipe shay te perol,numay ij  lela ini”respondipe” kota  Haradinay  vakergya  te sine kay Thaci  calavla  Kosovaki samtranda,kay  oleske deputetya kota Aleanca  vash Kosovako Avutnipe,  ka den hrami pe lil  vash olesko  duryaripe.

KosovaLive – Violeta Oroshi Berishaj