Sheruno ministri e Kosovako Ramush Haradinay, prekal piri rafin Facebook reagingya pe kharipe kova shrdingya te bichalel Specialuno kris vash krim mareba ano Kosovo, (selia ano Hag) ex-somjene kota soldatya UQK,kote dengya argumenti kay kota Kosova rodena may bari sakrifica dogripa,ini kay sine sakrifica agresiya, thay kay Kosovo na sito them kova akomodinla manushengo interesi kola ij nashalde mareba,a adive anena ano reziko thay traynipe ano rayoni.

“ Specialuno kris isito pana yek argumenti, koba dur geli amari sakrifica vash dogruno them. Akaya isitoy sfida pe amaro dogri drom,pe koleste kethane ka giricina,kethane ka iklova,thay kethane may zorale.

“Sar giricingyem buderi pharipya,vash te ova akate kote ini siyem,savore shay te la kan kay sar them thay amalipe akaya duk palo Hag,kris UNMIK thay EULEX,kethane giricina,shuzhe moa,feri so tromalo mareba sa vaht sine dogri”,vakergya Haradinay.

“Safet Sula thay Remzi Shala, solduy kola lele kotor leipe ano UQK vash akana isiton agorutne kola lele kharipe vash intervyu kota Specialuno kris vash mareba ano Kosovo. Sar dela janipe kosovaki onlayn cham “Blic”,Sula mashkaro sah sine komandati e UCK-ako a adive sheruno e veteranego vash Shtimlaki komuna.

Remzi Shala kota komuna Suva Reka, korkoro ji akana palo kharipe vash intervyu,dengya pe janipe kay na ka del anglipe vash kharipe. Oleski familia adive konfirmingya kay na jana kote ov araklola, thay ayeka deklaringya ini olesko advokati Natal Bulakay.

Nakle dive kharipe vash intervyu kota Specialuno kris vash mareba lele pana shtar ex kotor leipe ano UQK:Rustem Mustafa,ex komandati thay Nazif Mehmeti, vash regioni e Poduevaka komunako, Sami Lushtaku,vash Drenicako regioni, thay Sokol Dobruna.

Ministri e dogripasko Abelard Tahiri,deklaringya kay na sito informimo phando e kharipa vash intervyu kota potencionaluno akuzimo yase savahyutno bibahtagor.

Na sitoy buti kay prokurorya ani Kosova yase aver prokurori e aver mandate te del informacia ani Minsitria e dogripaski. Specialuno kris,vash partneri isila policiya,kris,a mande andre kompetenca koya isimen. Akala isiton prokurorya yeke ulavde mandatea thay na ajukerava kay sar minisri ,sar politikuni figura,te ovav informimo ko ka ovel pe intervyu,sar ispati,yase sar akuzimo”,deklaringya Tahiri ano intervyu vash televiziya “Klan Kosovo”

Advokati Tom Gashi,kova ampliciringya vash certifikipe sar advokati vash Specialuno kris vash mareba ano Hag,ano mediye dengya janipe kay na isiton savore odola kola isilen leparne nava ani deklaracia ano shvaycaruno senatori Dik Marti,akuzime yase te oven akuzime.

Ano intervyu vash televiziya Kohavizion,advokati vash garavipe Tahir Recay deklaringya kay, prekal informacia kota advokati e akretibasko kota Beograd ano Specialuno kris,ji akana ani Srbiya po buderi se 730 sine ano pucipe,numay lela kan kay ani Prishtina,ayeka ini ano Beograd,puterde kancelariya Specialune krisesko,kova shay te vastingyol vash intervyu vash shrd e marebasko.

Numay,ji akana isiton shov ex kotor leipe ano UQK publikuno penjargya kay lele kharipe vash intervyu kota Speciakuno kris vash mareba,numay na achagyola kay ayeka gendo isito may baro. Ehat Miftaraj vakergya kay buti e Specialune krisesko sa vaht ka diklargyol ini ani politikuni skena ano Kosovo.

Dokumenti dakorsdisalo kota Parlamentaruni ansambleya e Evropake Koncilesko,numay ano chon avgusto 2015, kosovako ansamble implemnetingya Konstituciya thay Akt Specialune Krisesko,ani baza pe kolate Specialuno Kris ano Hag,ka prezentinel savore nivelya e krisyune sistemesko ani Koosva.

KosovaLive – Violeta Oroshi Berishaj