Fulinungyola o Agim Veliu

217

E Kosovako sherunoministri, r.Albin Kurti, fulingya e poziciatar e ministre vash Andrune Bukja thay Publikaki Administracia, r.Agim Veliu.

Kotar e sheruneministreski soba, phengyola kay o Veliu deklarisalo karshi e  Kosovaka Republikake sheruneministreske vash e decizia e biacarutni situacia.

O Kurti phengya: Ov, vi ani akaya deklaracia, bichalel panika phenindoy kay “o gendo e calavde manushengo bayrola ora pali ora”. Ni e Sastipaski Ministria thay ni  e Nacionaluno Publikako Sastipasko Instituti na phende kay o gendo e infektime manushengo e virusea COVID-19  kay bayrola ora pali ora.

“Ano akale situacie sim musay te decizinav. Ayekha lelum deciziya vash o fulipe e r.Veliu kotar leski duti sar Ministari e Ministriako vash Andrune Bukya thay Publikaki Administracia. Me janglargyum e sherune e LDK-eske, r.Isa Mustafa, vash e decizizya koya lelum thay kergyum rodlaripe/mangipe olestar kay so may sig te bichalel o anav e neve ministaresko” phengyola ano janglaripe.

Buhlo Janglaripe kotar o Sherunoministri:

“Irati, ani yekh dobake orya, o Ministri r.Agim Veliu, vash TV Klan Kosova, deklaringya kay si karshi mere beshibaske sar sherunoministri e Kosovaka Republikako vash o jaglaripe thay deciziya vash biacarutni situacia. Ano akala momentya, kote sah e Publikaki Administracia muqinelpe vash te harnikerel/tiknakerel e virusesko ziani, sherune e institucienge thay sah  e raipesko kabineti manlape te demostrinen godyalipe sar ano decizie ayekha vi ano deklaracie.”

“Mashkar leskere deklaracie, kola na silen pashipe oleske andrune khedipyenge deklaraciencar, r.Veliu nasile lache lidershipaske tiparya, thay achakergya o bukya e ministriake kote sheruno si ov. “

“Akana ajukerava o nevo anav kotar o r.Isa Mustafa thay ji anavingyola o nevo ministari o sheruno thay jeno kova ka phiravel akaya buti si o akltualuno  zv.Ministari r.Xhelal Svecla” phenlla o r.Kurti.