Fakultativuno siklipe e romana qhibyako ka shrdinel ani Gjakovaki Komuna

85

E romengo deputeto, rayo Alber Kinolli mashkaro yekh postipe kotar o facebook informinla kay ani Gjakovaki komuna riputergyola e romani paralela vash o fakultativuno siklipe e romana qhibyako kote ka siklolpe vi e kultura thay e historia e romengiri.

Deputeto ano Kosovako Parlamenti kotar e partia PREBK, Albert Kinolli thay e godideutni ani Siklipeski Ministria rayna Gjyzele Shajlani sinelen kedipe e Gjakovake sherunea, rayo Ardian Gjni kote diskutime vash e paralela vash i romani qhib thay o fakultativuno siklipe kova buderi sebepyendar aqhillo ani akaya komuna.

Ano informipe lelape kan kay ano akava qhon ano ledeipe e Direktoratea vash o Siklipe – Gjakova ka shrdinell o siklipe vash o qhavore kotar o romano komuniteti kote palem si te siklon vash poro identiteto, historia thay kultura.

Pali Gjakovaki komuna vi ano Prizreno ajukergyola te shrdel o fakultativuno siklipe e romana qhibyako kova stagnirisalo pashe 1 bersh palo yaveripe jivdipesko e sikavnesko Nexhip Menekshe thay e situacia koya kriirisali kotar e pandemia COVID-19 koya but ver anulingya o konkursya.