Decisipe kota Deutnogodi e Ministriako thay Evropako Parlamenti vash cidipe yase na cidipe e vizako vash Kosova isito bi shayutno te agorinel jip e agora kale bershesko,Ayeka akava decisipe isito pharo te ovel ini ano 2019 bersh.

Akava ,sar sip e Demush Shasha,ex sekretari ani Ministria e Integripaskope avutno bersh ka yaveringyol phiravipe e presidencako ani Evropaki Unia thay ka intesifikingyol gatisaripe vash parlamentrauno alosaripe.

Shasha ani yek intervista vash Ekonomia Online, vakergya kay na si but pakyavipe kay decisipe vash liberalizipe e vizako te ovel akava bersh. Ano mamuipe,sar si pe leste,na jangyola koba ka lungyargyol akava procesi palo 2019-to bersh.

Na dikha diso pea kava momenti realuno shaipe te angyol pozitivuni decizia jip e agora kale bershesko vash liberalizipe e vizako vash Kosova,te vakera kay khuva ano finaluno vahtyuno dive te meklol ayeka decisipe,shay te vakergyol kay sito na shayutno kay Somgodinipe thay Parlamenti te dakordingyol pe lungipe e avipaske divengo vash decisipe jip e agor bershesko phando e ver verutna regulipa,vakergya Shasha.