emisiako“Jeta në Kosovë” debatisali tema phando vash racizam

91

Ani koya diz e kosovaki frdisalo ashkalyuno komuniteti Ano duyto kotor e emisiako“Jeta në Kosovë” debatisali tema phando vash racizam ani Kosova. Ljorenta Kadriu,aktivista vash manushikane hakaya vash komuniteteya ani kosova,ani emisia “Jeta në Kosovë” dengya pe janibe kay sinola suro kana frdisali kota obyekti sebepi kay sine amalinenca kola sine kota romano,ashkalyuno,thay egipqanyuno komuniteti.

“ Ani Fush Kosova isi suro kana ini frdinatu kota obyekti .raporti ovela ini kana khargyem policia,thay biznesyengi agencia kay frdinenama,kahaveya shuki feri so simey yek grupa e ternengi kareshtimi kota e rang thay vakerde kay na si buhlipe”vakergya Kadriu. “Mashkaro aver Kadriu vakergya ini vash o sikavne kana vakerde – so vijaineya,kana avokingem ano lokalune institucie sarsakana hay se isilen shukarne bukya akala”vakergya Kadriu.

Burhan Gashi, aktivisti vash manushikane hakaya vash komunitetya ani Kosova,kometingya murdaripe afrikano-amerikani George Floyd kota yek parno polici ano Amerikake Yekhune Rashtre,murdaripe kova janglargya reagipe e protestako ano sah sundal,leipe kotor ini Kosova.

Sar si pe leste,na manglape te solidarizingyol aver themenca,kana na respektingyona komunitetya ani Kosova vakergya Gashi. Ramadush Limani, dizuno kota ashkalyuno komuniteti,vakergya ani emisia “Jeta në Kosovë” kay ake 5 bersha tentinla te ovel Kosovako polici,numay sebepi kay sile kali rang na si shayutno ayeka diso te ovel.

Aplikingyum ano 2013 bersh,te ovav ofisionaluno ani Policia,ano mashkar 20 mile kote aplikingyem,khugyum ani lista kana ini giriqingyum o testi hramipa,numay siyum ani ajukeribaski lista,akava vakerla te sine kay andre duy bersha sine manglo te kharenma,te sine kay na, odoya ver rijanglaripe palem o konkursi.

Me na siyum khardo”vakergya Limani. Elbert Krasniqi, deputeti ano Kosovako Sombershipe kota IRDK,ani emisia “Jeta në Kosovë” vakergya kay komunitetya e ranga ani Kosova siton diskriminime. Sar si pe miri nota,diskriminipe ekzistinla ani Kosova,ekzistinla yek traynutno diskriminipe thay garavdo,na sito prezentimo puterdo kota savore,na korkoro kota institucie,numay kota ulavde personya kola phiravna intitucie,vakergya Krasniqi. Ov ulagya yek personaluno suro e prandipa yeka albanyuna juvla kota e Kosova.

“Me isima yek miks prandipe kova isito hanig e kamipaski thay na dengyem mol vash aver kotor vash amaro aqhavipe. Na sine but loke vash miri juvli te loll tromalipe te decisinel angledo kamipe thay na stereotipya thay anglo kris e yaverenca”vakergya Krasniqi.