E sheruni e Centraluna Komisiaki vash o Alosaripya, Valdete Daka mashkari konferenca vash o medie vakergya o sebepi kay nashti te votuinen o pacientya kola si pashle ano Hospitalya, vash kolenge sine reagipya kay na muklile te votuinen.

E Daka phengya kay o vahti vash te registringyoven sar votuistya sine ji pe 11februari. Jikay potencingya kay sah odola kay registrisale ji akaya data, o ekipya vash mobilizipe gele kay te resen keren shayuno olengo votuipe.

“Amen siyem janipa kay sine vi palo 11februari. sine manusha kay pashlile ano Hospitalya, numay e procedura mangla kay on may angle te registringyon sar votuistya palo akava te votuinen sar personya kola silen seralune mangipya” phengya e Daka.