Aktualune Nevipya

E Srbiyako ratyorigi: Te phirna sine ani Kosova, ovla sine mareba

  • 04/10/2018
  • By Romano Avazo
Share

Dudlargyola soske adive e Srbia cidingya e may uqyuni skala e marebaski pere soldatyengo ani samatreda e Kosova. Sebepi si sheruno e srbiake soldatyengo kova sine leloy yekh putardo atakosko ultimatumi kotar e soldatyuni Aleansa odoya Ratyoriguni, transmentinla e Koha-net.

Te sine kay e Serbiya vash o varesave sebepya lela decisipe kay olake force re khuven ani Kosova, si te khuven ano putardo mareba, na e Kosovake policiake forcyencar numay e ekipa odya e KFOR-eski e NATO-ski, sine yekh ultimatiyuno atako akale divende kotar o NATO.

Akala atakya ultimatimyune direktipea sine phanglo e agorune tensionea ani Kosova, phengya ani yekh vakeripe e may uqe srbyune ofisiyalune jenenecar e manushencar kotar o NATO kola si ano Beogradi, mothavgyola kotar o srbyuno portali “novosti”

“Sakova angloinformipe e Srbiako e siguripaske planyencar kay si te garavol para populaciya ani Koosva, dikhlargyola na qalaripea kotar o ratyorgiyune thana thay anena pe godi e Beogradeske ka si te ovelolen buti e NATO-a sar ano bersh 1999”.

E gazeta potencirinena kay e Srbia ano plani e siguripesko na sila problemi e Kosova, ini te sine kay olenge bereberingyona o soldatyune force e Albaniake, feri so e Kosova si talo rafin e NATO-sko.

Akale divende ano Beogradi si prezentuno o shefi e NATO-esko Jens Stoltenberg, numay kotar 8 ji 11 oktombro ani Srbia site adikergyon soldatyune aktivitetya e NATO-esk vash o sigune reagipya thay emerjentyune kote lena kotor 40 thana e 1000 soldatyencar.