E Kupatnako Sheruno , r. Abrashi thay o asmblesitya (VV,PDK,LDK,AAK, NISMA, VAKAT thay NDS) si “PRO” te penjaren e Romani qhib

404
E Kupatnako Sheruno , r.Artan Abrashi thay o asmblesitya kotar o politikune partiye (VV,PDK,LDK,AAK, NISMA, VAKAT thay NDS) si “PRO” kay te penjaren Romani qhib ano Prizrenosko Statuti
Adisune diveste 17.10.2018.ano restoranti “AMBIENTI” Talo organizipe e Kosovaka Demokrativuna Intituciako (KDI) adikergyola truyali masa e tema “Intitucionaluno phikodeipe ano garavipe e Romana qhibyako sar kotor e tradiciako thay kulturako ano Prizreno”, resipeya e ikuaripesko e komunalune asamblesityengo thay yavere som jenego e Prizrenoske sompeshipesko te dengyol phiko e iniciativako kay e romani qhib te ovel qhib ano ofisiyaluno vastipe ani Prizrenoski Komuna.
O Panelisti e debatako o r.Osman Osmani, direktori e NRO”Nevo Kocepti” pe stari e khedipesko ano poro andripesko vakeripe sikavgya o argumentya thay o thamya e Kosovaka Republikako thay Prizrenosko Statusesko kola sila baza kay e Romani qhib te penjargyol ani Prtizrenoski diz. “Numay e argumetyendar kola simen, na manglape te dikha te sine kay si bariera vash akava realizipe bujyetuno inplikipe, so pe avipe e Prizreno shay ovelola kapaciteto kay te pkinel yekhe profesionalite kova ka lelme akala bukyaha thay akale dromeya shay anla ini may baro avansipe amara Prirenoska dizako, sarenenge penjardi ani Evropa, sar multikuturaluni thay multietnikuni diz” , phenla o r.Osmano.
Ani yevr rig. O Sheryno e Prizrenoske Sombeshipasko o r.Artan Abrashi, phengya kay e Prizrenoski diz si yekhuni diz ani Evropa kay sila penjardi ano poro statuti 4 qhibya (Albanyuni, Srbyuni, Turkyuni thay Boshnyakyuni”, thay ovla sine bari dosh te sine kay ini e Romane komuniteteske na daha akava shaipe kova ini perla e sakole thamidareya numay ini realiteto okova olenge ji akana na dendilo janipeya kay amen jivdina thay sakodive qhalavgyova e Romana qhibya. “Me sar sheruno e someshipesko thay ano nav e partiyako “Vetvendosya” siyem “Pro” vash akale rodlaripesko,so phakyava kay len ini pozitivuno avazipe ka ovelamen ini kotar o yavera asamblestiya kola si ani nevi lejislativa amara Komunaki. O Prizreno numay ovla may baravalo e romana qhibya thay sah odola hakya kola silen sah o dizutne amara komunake manglape ini te inplementingyon ano qhaqipe ini vash o Romano komuniteti”-potenciringya o r.Abrashi.
Ini o reprezentya kotar o Romano komuniteti sikavde pere aargumentya thay anglipya so dikhlarla akava hako te sine kay e Romani qhib penjargyola ano Prizrenosko statuti ini kay ano realiteti e qhibya ovela buti, si mediye pe romani qhib, fakultativuno siklipe, numay te phutargyon ini yavera resipya ano akava dromipe kotar o avutne terne generaciye, te vatinen piri daki romani qhib thay te arakhen peste bereberune e yevere komuniteteyencar kola jivdinena ani Prizrenoski Komuna. Ani agenda kotar e truyali masa phirado kotar e KDI r. Almendin Fejza sine dikharde te den poro godinipe ini reprezentya e politikune subyektyendar kola ano poro identikune vakaripya dende pozitivune signalya , kay si Pro vash akaya ideya, lafi si vash o reprezentya ano politikune partiye,(VV,PDK, LDK, NISMA,AAK, VAKAT,NDS), numay akala iniciativake sinelen pozitivuno dikhipe ini scivilyuno sektori thay mediye ani Prizrenoski Komuna.
Ano yekh sig vahti, ajukergyola kay o rodlaripe vash penjaripe e Roman qhibyako te khuvel ano divuno rendo e Prirenoska Komunaluna Asambleako, so palo khedipe si bare shance te votuingyl, kotar o asamblestiya e “PRO “ avazeya , kay e Romani qhib te penjargyol ano statutiu e ofisiyalune qhibyako ano tradicionaluno vakeripe ani Prizenoski Komuna.
Radio Romano Avazo