Aktualune Nevipya

E Kosovaka Republikaki Garvipaski Ministria puterla konkursi vash rekrutipe e ternengo – aktivune soldatya ani Kosovaki Siguripeski Forca - FSK

  • 08/08/2020
  • By Romano Avazo
Share

O konkursi si te putergyol e datatar 10 augusti ji pe data 21 augusti 2020.

 

O formularya vash o aplikipe shay te arakhen ani ueb-qham e Ministriaki vash o Garavipe.

O dokumentya musay te dengyon kotar korkorotumen (personalno) ano sah kazerme e FSK-eske, sakova bukyako dive e oratar 09:00-15:00.

 

Hako vash te aplikinen silen o kandidatya kola silen 18-23 bersha.

Vash pandar informacie situmen o link; https://mod.rks-gov.net, thay o gendya telefoynenge sar: 038-555-584-2044 yase 038-555-584-2045.

 

OV FSK-esko REKRUTI!

OV SOLDATI E KOSOVAKA REPUBLIKAKO!

…………………………………………………..

 

................................................................................

K O N K U R S I

Kriterya vash o rekrutya si:

 

  • Te ovel habitati e Kosovaka Republikako;
  • Te ovelole shayipe korkoro te decizinel;
  • Te ovelole agorimi mashkarutni skola;
  • Te ovel fizikuno thay mentaluno sastipe vash o manglo than;
  • Ma te ovel drendyuno vash penalune ovipya e qhinda deciziyaka forma;
  • Te ovelole shuzhi figura thay ma te ovelole problemya e paldipa kotar o aver rashtre;
  • Te ovel ano bersha 18-23 ano aplikipaske datumya;
  • Ma te ovolole tatuazhe ano muy, men thay anglophiko e bisepseske kotorestar ji pe vasteske angrusna vi ayekha ini o pirsingo.

 

Procedure vash o dikhipe, filtripe thay leipe:

  • Angluno dikhipe (kontrolipe) e aplikaciengo;
  • Fizikuno testi;
  • Testi vash Inteligenca
  • Testi vash o bazikune janipya
  • Intervistën; Intervista
  • Sastipesko testi/eksaminipe.

 

 

Vash te ovel tumen hako te testiringyoven ano aver faze musay siyen te giriqinen sukseseya o angluno testi.

 

Procedura vash te keren rovipa

-Sakova kandidati sile hako te kerol rovipe palo leipe e rezultatyengo ani sakoya testiripaski faza.

-O rezultatya piblikingyona ani ueb0qham e Ministriaki vash o Garavipe thay FSK thay o eliminime kandidatya silen hako te keren rovipe ando 2 dive. O vahti vash o rovipe shrdla yekh dive palo publikipe e rezultatyengo.

 

Konfirmipe e leipasko ano FSK;

-Figurako shuzhipe; kandatya kola lelona ano rekruti qhivgyona ano verifikipe lenga figurako shuzhipe, ano vahti kana o rekrutya siton ano bazikune treningya vay palo deipe sovli. Te sine kay tumari figura na si shuzhi yekhatar aqakerna tumari kontrata.

-Bazikuno traynipe; Leipe ano FSK ovla sar rekruti vash e soldateski katergoria. O leipe konfirmingyola palo agoripe e bazikune traynipesko, ano vahti kana o kandidatya anavingyona sar rekrutya (OR1). Palo agoripe e bazikune traynipesko, rekrutya lena e soldateski grada.

 

O mangle dokumentya vash o aplikipe:

  • Diploma e mashkarutna skolaki (vay yekh dokumenti kova qaqikerel kay tumen agoringyen e mashkarutni skola)
  • Certifikata kotar o Krisalin thay e Policia vash tumaro penaluno historiati (originali- ma te ovel po purani se 6 qhona)
  • Biyandipasko ekstrakto
  • Kopia e personalunelilesko vay e pasaportako
  • Duy fotografie/siretya e formateya (5cm x 5 cm).

 

Vahti vash o konkuripe:

O konkursi si puterdo e datatar 10 ji pe 21 augusti 2020.

 

Sar te aplikine;

O formularya araklona ani ueb-qham e Ministriaki vash o Garavipe (MM), https://mod.rks-gov.net.

O formularya manglape te dengyon personalno, ano sah o kazerme e FSK-eske ano sakova bukyako dive e oratar 09:00-15:00.

O dende dokumentya na irangyona. Vash may but informacie shay te kontaktinen o gendo 038-5555 842 044.

E Garavipaski Ministria shukarajukerla sa o aplikacie e juvlenge thay e murshenge vash te oven kotor e FSK-esko bi kerde yaveripya savi nacia silen.