Aktualune Nevipya
E Kosova votuinela vash poro avutnipe
- 14/02/2021
- By Romano Avazo
Share
Ji pe ora 15:00 sah o sah votuime 32.32% yase 567, 934 dizutne
O Kosovake dizutne kola silen hako vash te votuinen, avdive pe shrdipa e oratar 07:00 ji pe ora 19:00 si te alosaren 120 deputetya vash o Kosovako Sombeshipe, vash o ohtoto legislature.
Akala si o anglovahtune parlamentarune alosaripya, kote 21 politikune partiye siton, 2 koaliciye thay 5 dizutnenge inciative siton pe konkurencia thay pe ajukeripe tumare avazosko/votako.
Ani yaver rig o gendo e certifikime kandidatyengo si 1. 052 kandidatya.
Ano 14.februareske alosaripya hako vash te votuinen silen 1.794.862 dizutne, kola silen hako te votuine ano 888 Votuipaske Centarya/ofisya ani sah Kosova, kote sah o sah si 2 mile 382 votuipaskethana.
