Aktualune Nevipya

DESHUYPONJ SURYA POZITIV THAY SHTAR SASLE E VIRUSEYA COVID-19

  • 13/04/2020
  • By Romano Avazo
Share

Nacionaluno Instituti e Publake Sastipasko ani Kosova IKSHPK janglarla kay avdive konfirmisale pandar 15 pozitivune surya e COVID-19. Ano laboratori testisale 154 mostre, olendar 15 ikliste pozitivune.

“Avdive pe data 13 Aprili 2020, ano Mikrobiologiako Laboratori ano IKSHPK e metoda RT-PCR, testisale 154 mostre kola lelile e Infektivuna Klinikatar. Gelam palo kontaktirime manusha e suryenge, karantinake manusha thay e SARS-CoV-2 pozitiv ikliste deshupanj (15) surya.

Inya (9) surya kotar e Suhareka (7 kotar Semetishta thay 2 kotar Vraniqi), trin (3) surya kotar Lladova-Gilana thay po yek (1) suro kotar o thana: upruni Nerodima-Ferizayi, Banya-Malisheva thay Leshak-Leposaviq”, phengyola ano janglaripe. Raportisalo vi yekh meripasko suro, yekh juvli kola sinola 38 bersh kotar o Istog, koya yaveringya po jivdipe ani data 12.04.2020. Avdive sastile shtar (4) pacientya.

Saosah o gendo e manushengo kola sastile si shofareshutrin (63). Sot më 13 prill 2020, janë shëruar edhe katër (4) pacient, bazuar në rekomandimet e OBSH-së ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej gjashtëdhjetë e tre (63).

O globaluno niveli, kotar e data 31 Decembro 2019 jip e 13 Aprili 2020 raportisale 1.912.378 surya e COVID-19 thay 118.683 meripaske surya. Besheni khere! Akava brahinla tumaro jivdipe! Adikereni fizikuni distanca may hari 2 metre! Azhutinenmen hari vash te azhutinatumen buderi! Oven saste vash o halovipe! Phengyola ano IKSHPK-esko postipe.