Deputetya diskutina vash (na) legitimiteti e Platformako vash diyalog.

383

Vash yaveripe kota deputetya e raipyuna koaliciako,som jene kota opozita DSK thay Korkorodecisipe,na siton interesime te votuinen vash Platforma e diyalogeski kova gatisargya raipyuni negociaki ekipa,koleske ov lela sine legitimitet vash kotor leipe ano diyalog e Srbiya ano Bruksel. Ij vash Platforma vash diyalog e srbiya phiravde debata som jene e Komisiake vash Avrune Bukya,numay pashe oleste kay na sine kvota,oy bichaldili ano votuipe bizo Komisiako phikodeipe pedero insistiripe sheruneministresko Haradinay,adive adikerdili avrokrisyuno kedipe,vash te diskutingyol vash e Platforma thay te votuingyol vash olake,sar ini vash Kris e diyalogesko kova inplementisalo pe agorutno vahti thay angluno dikhipe. Ani Platforma sitoy res kay vash Kosovaki samatrada na ovla te oven negocie thay kay teritori na ka diskutingyol ani mes e negociaki. Sasavipeya isiton diklarde ini puqipya pe kolate shay te diskutingyol vash agorutni faza e diayalogesko,mashkaro kolate isito pucipe ini nashalde manusha. Yaveruno sherunoministri Enver Hojay thay som jeno kota raipyuni ekipa vash diyalog e Srbiya deklaringya kay akaya Platforma shay te inplementingyol feri so ovela lafi vash klaruno teksti bazirimo pe 11 principya ano phanipe e Kosovaka strategiya ano diyalog,numay ajukeripya kova isila Kosovo pe akava diyalog isiton diklarde. “Sah odova kay Korkorodecispe thay DSK publikuno vakerde,adikerdo isito ani Platforma vash diyalog-reciprocikuno penjaripe,antarsipe ano OUN,drom prekal Evropaki Uniya thay NATO.na puteripe Ahtisaresko plani,garavipe teritoriyako,politikuno konsezus”,deklaringya Hojay ano intervyu vash televiziya Klan Kosovo. Yaveruno sherunoministri vakergya kay Platforma vash diyalog pasharla principi kova shay te ovel ketanyuno thay politikuno,thay te sine kay dayk personi isito mamuy yase isile sugeripya,on shay te konsideringyon.Numay Hojay vakergya ini te aprovingyol Platforma vash diyalog oy na ka ovelola nisavi mol ayeka te sine kay na suspendingyola decisipe ano inporti e srbyune malyengo.

KosovaLive – Violeta Oroshi Berishaj
Vash o radio Romano Avazo – Vera Galushi Paçaku