Nakle 24 orya ani Kosova hramisale 192 neve surya e koronaviruseya, kote ningarla o gendo 7 mile thay 846 e pozitivune suryengo kola si registrime ji akana.

Numay, bazirimi ano publikime informiya kotar Nacionaluno Publikono Sastipekso an Kosova, kotar 1 juli ji adive ani Kosova nashalde poro jivdipe 142 pacientya kola sine infektime e koronaviruseya.

Alarmantyune isitov bayripe e surynego ani akaya perioda, saosah 4 mile thay 855 neve surya e COVID-19. Sifra vash 2 mile thay 991 surya kova sine pe 1 juli, pe 29 ano akava masek resti te ovel 7 mile thay 846 surya.

Numay, kana si vash o sasle jene, 29 dive vash akava qhon, saslile 2 mile thay 623 infektime jene, kota ningardye o gendo pe 4 mile thay 267.