Aktualune Nevipya
Bukya vash vazdipe e hidrocentralako ano Shtrpce palem achagyona
- 09/05/2019
- By Romano Avazo
Palo naklo kurko e konfiletsko kova sine e policiiya,ano zodripe e traynutna protesta te achaven phiravipe e butikeripasko ano obyekti e hidrocentralaki ani Shtrpca, yaraliye isiton birsh manusha.
Ano ketanyuno kedipe,pe kolate sine prezentyune somjene e Shtrpcaka komunake, dizune,Kosovaki Poliociya vash Ferizayesko regioni,Ministriya vash garavipre ,regularuni kancelara vash energetika thay,”Matkos grupa”,andilo decisipe kay vazdipe e tikna hidrocentralako te lungyol o achavipe kota butikeripe. Numay andilo decispe ini vash te diklon savore dokumentya koya isila “Matkos grupa”, vash vazdipe e mini hidrocentralake.
Dizutnenge reprezentya,palo akava decispe pakyana kay planifikimo vazdipe e mina termocentralaki ano than koya khargyola “Obe reke”(Kalujerka thay Bolovanka) ka ovel achavdi sa vaht.
Dobrovoye Stevanovic, dizutnengo reprezenti kova lela kotor pe akava kedipe deklaringya kay ani komunaki struktura, klaruno dende pe janipe kay phikoina dizune thay kay akana achola kay on te diklaren dokumentya thay te mekhen yek certifikata vash achavipe e vazdipasko mini hidrocentrala ani lokaciya “Obe reke”.
Ini Milovan Filipovic,kova sito kota e Shtrpca vakerla kay eventualuno mekipe e butikeripasko (dozvola) vash vazdipe e minicentralako, ushkagyola ini Kosovako Kris vash paynja.
“Siyum siguripa thay garantinava kay na si somjeno e krisesko kolea akava decisipe isito ano mamuyipe”.
Akava shay siguripa te vakerav. Feri so isi neni 28 e Krisesko vash Panya e Kosovaka Republikake,prekal kolea koncesi ano lafi na ovla te del te sine kay akalea bilacargyola piipasko pani,kolea isito regulimo prioriteti,ano angluno than isito piipasko pani. Palo odova vash vastipe ano kher,pani vash o familiye kola lenape phuvya,thay aver.Pani vash turizam,vash hoteliria.Akava isito pe shtarto than shayutno te lelpe dozvola vash hidrocentrala. Savore artiklya kova vakergyum rendoa isiton pe reziko.Ini piipasko pani, na korkoro piipasko pani.Pe riziko isito o pani vash jivipya. Personaluno isima pedero 30 buznore,so ka ovel olenca?!
Dizune reprezentya palo ketanyuno kedipe deklarinde kay reprezenti”Matkos grupako”, kova na mangla te del deklaraciya ano mediye,vakergya kay na sile komletimi dokumentaciya vash vazdipe e mini centralako.
Phiravne e Shtrpcaka komunake vakerde kay dena maksimumi,ayeka kay pucipe e vazdipasko vash mini centrala sa vaht alosargyola thay te nashen kota nevo problemi,numay kova mangla te phenel,furnizipe e thanesta kota e len Kalujerka thay Bolovanka ovla sine bizo bangipe.
Ani deklaraciya vakergyola kay may vasno isito kay dizutnenge reprezentya,kotor leipe e protestako,calarne mekle o kedipe.
“Adive agoringyem bari buti,numay na ka achova akalea,feri so ano avutno periodi amen ka intesifikina kedipya e savore relavantue instituciyenca vash te arakha sa vaht alosaripe”,vakergyola ani deklaraciya e Shtrpacaka komunake.
Protestya mamuy vazdipe mini hidrocentralake ano than “Obe reke”ano Shtrpce,shrdinde angledo nesave chona.Ini kay e buti ano harno vahti achagyola thay andili mehanizaciya,naklo kurko palem achavdili e buti.
Akale suroa somjene e Seciyaluna policiake kola sigurinde bageri, on koshlile e kedime dizutnenca,kola protestya shrdinde traynutne, kote 20 olenda sine yaraliye.
Maja Mladenović- TV Herc