Aktualune Nevipya

Brisel rodela alosaripe vash te phiragyol diyalog

  • 29/01/2019
  • By Romano Avazo
Share

Sherune e negociaka ekipaki vash diyalog e Srbiya, Shpend Ahmeti thay Fatmir Limay,tahara araklona e ekipa ano Brisel e Uca reprezenta vash Evropaki Uniya Federica Mogherini.

Numay sar vakerna odova ka ovel korkoro konsultativuno,numay gatisaripe e kedipasko vash dialog, koleske pana na jangyola koba isito shayutno yase kana ka phiragyol. Sherunoministri e Kosovako Ramush Haradinay, uzal tensiya kota mashkarthemutne partnerya,na cidingyola kota decisia vash takse kota 100% ano inporti e srbyuno thay bosnako mali.

Pe agor agortne kurkosko,pana yek apeli amerikake ambasadake ani Prishtina,vash pezulipe e decisiako vash takse resto ani adresa e Kosovake Raipesko,pe koleste mashkaro sah,pelaripe e godyako pe lil amerikake presidentesko Donald Tramp,kova khargya kosovake politikanya te vakerel yek avazea thay sa riga te adikergyon kota akciya koya shay anla bilaqipe e diyalogesko,kova isito strategiyako interesi.

“Nesave komentatorya thay politikanya kerde sugeripe kay Kosovo poro statusi sar biumlavdo, sovranyuno them, thay but pashe phande e Amerikake Yekhune Rashtrenca,garavla kota savore bilacipya thay decisiya ani mashkarthemutni skena. Amen angloinformina kay na manglape te pakya kay Kosovo yase sakova aver miko Yekhune Rashtrengo shay te lel akciya kola isiton ano mamuyipe amare strategune interesea."

Ini Maya Kociyancic avazdeutni Evropaka Uniyaki vakergya vash divuni cham”Zeri” kay rodela achavipe e taksako ano inporti vash srbyuno thay bosnako mali, ayeka kay “Srbiya thay Kosovo te angazhingyon ano procesi e diyalogesko missal pherdi normalizaciya mashkar duy thema. Cham “Zeri” dela pe janipe kay Kociyancic na dengya respodipe ano pucipe shay e Evropaki Uniya kerla tensiya ini pe srbyuno them,kana isito pe ayk kay Srbiya aktualuno ani ofanziva vash cidipe e Kosovake penjaripasko thay angloachavipe kota somjene e Koosvake ano mashkarthemutne organizaciye.

Kosovako presidento Hashim Thaqi, kova buderi insistingya kay shay te angyol decisia vash taksa ano poro Facebook hramingya kay kosovake institucie pe avutne dive “ka len ovipe thay decisia ano themutno interesi thay te zorakeren mashkarselikano partneriteti. “Savore themutne instituciye isiton ano servisi e garavipasko,lacharipe thay amare selikane stratgyune resipesko.

Sherunoministri e Kosovako Ramush Hardinay,mashkaro sah vakergya kay pe angleder se te lelpe yek taksa, Srbiya shay te penjarel Kosovo.”te sine kay e Srbiya mangla te suspendina taksa, odova isito reciprociteti. Ayeka kay na si aktiviteti”amen putera”vudar,a odota isi agresivune barikade,na ovla ayeka diso. Amen ni yek them na ulava,numay manga te garava korkore amende.

Te sine kay Vucic thay Dacic vakerna “amen na penjarahatumen(ni yek ver),so ajukerna amende?Kay amen te vakera “va. Na, na ka cida “niyek ver”,vakergya Haradinay. “Te sine kay o vakeripya ovna seriozune,te sine kay ovla konferenca…kote isito sa gatisarno vash te reslol decisipe,amen shay te da shansa ano procesi”,vakergya Haradinay AFP.

 

KosovaLive – Violeta Oroshi Berishaj

Vash Radio Romano Avazo –Vera Galush Pacaku