Bilanci vash o koronavirus

170

Nacionaluno Instituti e Sastipesko ani Kosova janglargya kay e datara 8 februari jip e data 26 mayi testirisale 13.725 persoyna kola sinelen shayipe te ovelolen o virusi SARS-CoV-2 thay olendar pozitivune ikliste 1.047 surya, a o gendo e mule jenengo resto pe 30 jene kola sinelen vi aver nasvalipya.

Ano janglaripe mothavgyola kay 794 surya si o gendo e manushengo kola sastile.

“Avdive pe 26 may 2020, sastile 3 pacinetya jikay o gendo e sa e manushengo kola sastile resla te ovel 794 surya. IKSHPK si lugyaripe bi aqhile e buti vash o monitoripe thay kontrollipe e situaciako kota on kontaktinena sah e manushen kola sine kontakya e infektime persoynengo kola iklona pandar ano akala dive” phengyola ano postipe.

Ano globaluno niveli, e datatar 31 decembro 2019 ji pe 26 may 2020 o Worldometers, raportigya sahosah 5.639.951 surya e COVID-19 thay 349.392 surya kola yaverinde po jivdipe.