Bi shuzhi phud, riziko vash sastipe thay chavorengo sastipe

260

Uco niveli kota phari bi shuzhi phud dikhyola sar potecialuno riziko vash sastipe,numay ini vash manushesko jivdipe. Akaya phari bi shuzhi phud, diklola sar potencialuno riziko vash manusha kola isiton kronikune nasvale,pe kolate khuvna ini o foshne. Ano Klinikuno Centro e Kosovako ani Pediatria,gendo e chavorengo e respiratoryune problemenca,isito baro.te sine kay na si deipe odova cacutno koba chavore pe lungipe e bershesko calagyona yase merna kota akava nasvalipe,profesionistya ani amari umal vakerna kay akala sastipaske problemya phangyona kota bi shuzhi phud.

Ofisionalune kota Selikano instituti e Publikuno Kosovako Sastipe vakerna kay na si cacutno detaipe vash meripe e chavorengo koya phangyola e bi shuzhe phudea. Direktora Departamenteski vash Statistika ano Selikano Instituti e Publikuna sastipasko,Saniye Hoja-Gashi,ano respondipe prekal elektronikuni posta vakerla vash Radion Evropa e Lirë (Radio Tromali Evropa)”akava cacutno deipe na raportingyola kota sastipasko instituti”. Numay,ofisi kota Sundaleski Organizacia e sastpaski ani Kosova vakerla kay”bi shuzhi phud ani kosova dela mol kay sakova bersh resla 835 anglovahtyuno meripe”.

Ani Pediatrikuni Klinika,vakerna may buderi ani yevenduni sezona bayrola gendo e chavorengo kola calagyona e respiraturne nasvalipasta,numay calagyona ini kota buko,kova isito may baro problemi bi shuzhi phud. Muharrem Avdiu, pediatri vakerla kay akana shrdingya te oven po buderi sure akale nasvalipa thay akale nasvalipa shay te resen numay te lungyol jip e chon mayo.