Aktualune Nevipya

Avrikrisyune alosaripya ani nurduni Kosova agorinde ani traynutmi atmosfera

  • 22/05/2019
  • By Romano Avazo
Share

Ijuno votuipe vash sherune e shtar komunake ani nurduni Kosova,Nurduni Mitrovica,Zvecane.Zubin Potok,sine traynutno. Sar ajukerdilo,ano sah shtar komune vijainde o kandidatya kota Srbyuni Lista,po buderi se 90 procentya e avazoske,a yek kota sebepi vash rezultatya isito kay opozicione partiye kola kedena kosovake Srbyen boykotinde akala avri rendune alosaripya. Sar si pe Centraluni Alosaripaski Komisiya,hako e votyengo vastingya 42% Kosovake dizune,numay 24 mile 600 dizune,yase 58 mile kola isiton registrime. Presidento e Srbyuna Lisako Goran Rakic,kova sine kandidati vash sheruno e komunako ani Nurduni Mitrovica deklaringya kay vijaipe akala partiyako isito ”vijaipe srbyuna populaciako thay kota Srbyuno them”. “Odova so shay te vakerav pe shrd isito kay, opoziciyako boykoti,ano tereni na sinole suksesi.Srbyuni Lista vijaingya pedero 90% ano shtar nurdune komune”deklaringya mashkaro sah Rakic. Srbyuno presidento Aleksandar Vuqic deklaringya kay vijaipe e Srbyuna listako isito politikuno Srbyuno uniteti. Pe akala alosaripya pere kandidatyenca sine ini konkurenciya kota Demokrativuni Kosovaki partiya kota Kadri Veseli,thay Vetvendosye Albin Kurti. Presidento e Koosvako Hashim Thaqi,deklaringya kay isitoy vazdimi suksesuni tradiciya e alosaripaski feri so adikerdili sar si pe kosovako kris. Ini kay Centraluni Komisiya penjargya vash kay na sine naregulipe pe akala avirendune alosaripya vash sherune kota shtar komune,”Mrezha naraipna organizaciyako “Demokraciya pe ovipe” penjargya kay ano nesave sure sine votuipya e srbyune dokumeteya, kay sine familiyaruno votuipe,kay sine suro e votuipasko avri kabinata thay sine manusha kola mangle te votuinen buderi ver.

“Ano 23 thana e votuipaske sine raporti vash familiyaruno votuipe,ponj sure e avazoske avri kabinata thay duy evidentipe duy ver kay votuinde,yek ani Nurduni Mitrovica ani Skola”Azi Suleymani”thay duyto ani komuna Leposavic”deklaringya organizaciya “Demokraciya pe ovipe”. Ini shefi Jan Bratu vakergya kay sito shayutno te raportingyon sah naregulipya, numay vakergya kana isito lafi vash alosaripya Misiya pe kolate isito pe cekat na si ekzekutivuni forca kana si o lafi vash alosaripya,numay te phikoinel thay te ovelolla godovarni rola. Numay, Dushan Yanjic,direktori e Forumesko vash mashkaretnikuno ledeipe vash televiziya N1 deklaringya kay palo akala alosaripya na jangyola ano kova dogripe jala sa e situaciya,na jangyola prekal diyalog yase nevi forca. “Akala alosaripya isilen pozitivune efektya kay isiton adikerde,feri so isi raipyuno kris.Pe aver rig,dikha bari Srbyuni mobilizaciya.Ano mashkarthemutni organicaciya isito korkoro yek pucipe, tena ovel gatisaripe akale bajakoa ulavuipe e Kosovako. Isiton duy opciye vash alosaripe akale problemesko mashkari Kosova thay Srbiya, phiravipe e diyalogesko yase ulavipe.Akale alosaripa isito diklardo kay Beograd shay akava te realizinel”,deklaringya Yanjic. Yanjic deklaringya kay kontrola kota Beograd ani Nurduni Kosova hramingya ini agor e briseleske lekanipasko. Centraluni Alosaripaski Komisiya dengya pe janipe vash preliminarune alosaripaske rezultatya,thay agoripe ka publikingyo palo diklaripe e rovlaripasko anglodiklarde kota civilyuno amalipe. Akala isiton trito lokalune alosaripya pe rendo vash sherune ani nurduni Koosva,anglune isiton adikerde pe 2013,thay duyto pe 2017.bersh

KosovaLive- Violeta Oroshi Berishaj