Arestingyona o “haydutya” e jepake trastyenge lovengo ano Prizreno

342

E Prizrenoski Policia informinla vash arestipe e duye biphakyavne personyengo (A. M. thay A. K.), pe kolende biphakyavgyola kay agorinde pharo qhoripesko penaluno atako”, ano yekh drom e dizako, ani yever rig ola konsideringyona sar but ver kerde akale ovipyengo, transmetinla “Gazeta e Prizrenit”.

Sar si pe policia, pe data 24 prili 2019, ano Prizreno, palo yekh intezivuni rodlaripaski buti e relevantune yekhunengo, e policia resla te identifikinel thay te arestinel e biphakyavnen, so phakavgyola kay lele  kotor ano yekh suro, pe 14 prili 2019 ano drom “Jusuf Gërvalla” ano Prizren.

O biphakyavne operipeya ani but doshali forma lele kotar o vast e viktimaki olaki lovengi vasteski trastin, kolate sinela personalune dokumentya thay love e kobaripeya truyal 80 euro.

“ Ano kontuniuteti e biphakyavne agorinde ini pandar duy qhoripya, identikune surya sar akala, kola atakya ola lele pa peste ani prezenca e day/dadesko thay garavipesko avokati. Yekhune ini konsideringyona so si skoyaver jene kola kerna akala penalune atakya”, phengyola ano raporti e Ofisesko vash informipe ano Prizreno.

E decisiea e daviutnesko e biphakyavnenge dengyola policiyuno phanglipe vash 24 orya./GazetaePrizrenit.net