Ini seske o mase respektingyona numay dive po dive on telargyona jikana ka cidingyon sah, e Evropake rashtrenge raipya darana te na avel o duyto dallga e infekciaki, raportinla o BBC.

Franca putarela o fundune skole vash yekh tikno gendo e siklovnengo vi ayekha putargyona o librarie, butikya. O restorantya, kinemaye thay o barya si te aqhon pandar phande.

Belgia shrdela te phravel o biznesya…

Holanda phravela gradualno o fundune skole, librarie, autoshkole, fizioterapeutya thay frizerke (ondulipaske salloyna).

Zvicra phravela o fundune thay o mashkarutne skole, o orya ka oven kvashall. O restorayna, librarie, muzeye ka keren buti numay sakoya ver respektipa e fizikuni distanca.

Ano nesave Spanyake thana/rayoyna, muklona o kedibya jip e 10 jene.

Engleska, sanarela o mase ano kava kurko, Danimarka phravela o kinbikinibaske centarya, Polonia phravela o Hotelya numay o Turisya musay te beshen 2 kurke ani karantina.

Kayeka vi o aver Ebropiake thana sar Germania, Austria thay Italia shrdinde te telaren te sanikeren o mase.