Ano Brukseli vash te harmonizinen avutne bajakya ano diyalog

366

Shpend Ahmeti,phiravno e Social demokrativuna   kosovaka patiyako thay Fatmir Limay,phiravno e Social demokrativuna iniciyativako,avutno kurko ano Bruksel  ka vakeren  e Evropaka diplomatikuna reprezenta,vash te resen  agorutno  lekanipe mashkar Kosovo thay Srbiya.

 

Avazdeutni  Evropaka Uniyaki Maya Kociyancic, akale dromea konfirmingya arakhipe 8.yanuaro kay diplomatikuno evropako  servisi isito sarsakana  ano  rigyno konsultipe   vash diyalog. Pe akava konteksti, vakergya kay res e diyalogesko isito lekanipe vash sah leipe kotor  e ledeipasko ,pe kolate shay anla alosaripasko suro vash puteripe e pucipesko ano ketanyuno ledeipe,  mashkar selikano dogripe, thay pe kolate konsinderingyola vash som them  Evropaka Uniyake.

 

“Amen inkurayina savore politikune thay civilyune aktoryen ani Kosova,  te keren  konstruktivuno  tali ketanyuni platforma vash  phikodeipe  ano uco niveli,kola phiravna reprezentya.Amen pakya kay akava ka del vasno  kontributi  ano negocie mashkar obligativuno  krisyuno ledeipe”, vakergya Konciyancic thay mashkaro sa vakergya kay Evropaki Uniya  pakyala kay Kosovo thay Srbiya  but sig ka pheren obligativuno diyalogi, leipe pe dikhipe direkno angazhipe vash sah leipe kotor thay konkretyuni perspektiva  ano interesi e Evropaka Uniyako.

 

Shpend Ahmeti, vakergya kay ano Bruksel  ka arakhope e ekipa koya lokyarla diyalog  e Srbiya,  thay kay saktyuno yase dikhat  ka ulavel  agenda ayeka kay diyalog ovla may  intesivuno vash res  kota  ledeipe.

“Ahmeti vakergya ini poro godinipe  kay bizo kotor leipe duy opozitarune partiye ,isito na shayutno te ratifikinel lekanipe e Srbiya  ano Kosovako sombershipe,feri so na sito praktikyuno te votuingyol vash oleske 2/3 deputetya.

DSK thay Korkorodecisipe vash akana  achona  ano momenti,on achona ani pozita  vash tena  angazhingyon ani negociaki ekipa.Lumir Abdijiku, vakergya kay raipyuni ekipa  na prezentinla  dizutnengo mangipe, feri so  isitoy somkerdi kota  tikne politikune partie.

 

Shef e parlamentarune  klubesko  DSK Avdulah Hoti,  vakergya kay raipyuno kharipe thay Sociyal demokrativuna kosovaki partiya  shay  te amalingyova Srbiya”  a na yek avereske”ten a  da shayipe  te uchara  olengo  achavipe.

Hoti vakergya kay  DSK isito  vash diyalog,numay mamuy  ji akanutni olaki forma.

 

“ Ma kareshtineni  o sheya.Amen sar sakana, phikoina  diyalog e Srbiya.Numay na ka la pe konsideripe  ekipaski forma vash diyalog,  kova  kerla esencialuno demokratiyako   ziani    ani Kosova.   Kosova shay te ovelola  raipe koya vakerla ano nav e buderune dizutnengo ano alosaripe e buderi pucipyengo” vakergya Hoti.

 

Sar  dela  pe  janipe divuni cham Koha ditore,pe agor  nakle bershesko presidento  Hashim Thaqi, dengya lafi  kay ka del sa dokumentaciya  e raipyuna ekipake vash diyalog e Srbiya,thay  sar  si  pe  Proyektkrisi vash obligipe, godornipe thay kompetenca,delagaciya  na sila shaipe te ovel  prezentyuni   vash savore dokumentya.

KosovaLive – Violeta Oroshi Berishaj

 Vera Galush Pacaki