Aktualune Nevipya

Ani kvashi rat agoruno roki vash thovipe e hramesko pe lil vash Pokipyengko Thamesko kotar o Thaçi

  • 21/02/2019
  • By Romano Avazo
Share

Pandar hari agorinla, thamsko roki  vash thovipe e hramesko pe lil vash Pokipyengko Thamesko kotar o Kosovako Presidento.

O sekretari e Kupatnako, Ismet Krasniqi, konfirmingya vash o KTV so o thamesko roki vash thovipe o hrami pe lil agorinla ani kvashi rat, thay so ji ano agoripe e oraresko na lelili nisavo rodlaripe kotar o Presidento Thaqi.

Mamuy e insistipesko e nesave oryengo, ofisiyalune jene vash o mediya e Presidenteske Ofisesko, Adil Bayrami thay Artan Berhami na dende jevapi interesipe vash i Presidenteski akcia.
E Kosovaki Konstituciya anglodikhlarla kay o thami khuvla ano zori, te sine kay o Presidento ini na inarla thay ni na thovla o hrami pe lil. Akava ovla palo olesko  publikipe ani Ofisiyaluni Gazeta.

E Kosovaki Konstituciya, qhand.80-Aprovipe e Thamengo ano mashkaro sah phenla so “ Te sine kay o Presidento e Kosovaka Republikaka, andar o ohto (8) dive palo leipe e thamesko, na lela niyekh decisipe vash janglaripe vay olesko iranipe, o thami konsideringyola anglojanglardo, bizo thovipe e hrameskoa olako/olesko thay publikingyola ani Ofisiyaluni Gazeta”.

O thami si dikhlardo te khuvel ano zori 9 masek/qhon palo publikipe ani Gazeta.