Hraminla : Naim Cahani

Soske na sila perfomansa e komunaluni guverna ano Prizreno,si nesave sebepya rendime kotar o Raporti e ZKA-ako vash o bersh 2018.

• Biumlavipea kotar o baryaripe kotar 2,986,161€ e finalune bujetesko phikoipea e startyune bujeteya vash o kapitalune investipya numay 74% e bujetesko sine harjisalo.

Ekzekutipe e bujetesko vash o kapitalune investipya prezentimo ano 15,341,962€, ano kuadro akale realizipesko inkluzingyona ani o pokipya ano kobaripe kotar  2,432,034€  vash o borjya kola aqile kotar o nakhlo bersh.

Odolestar o realune harjipya sar si pe programi e kapitalune investipyengo variabulingyona te oven numay 12,909,928€  vay numay 62% e aktualune borjesko. Ayekha ini e dinamika e realizipyengi na si ani harmonia e planifikipyencar feri so 42% e harjipyengi kotar akaya kategoria realizisale ano trine maseka/qhonya e agor bershesko.

Ano sasavipe, si mahatno te potenciringyol kay ano periodi e agor bershesko phangyona 56% e kontratyengo vay 97 kontrate ano kobaripe e 6,213,219€ kotar o sah  173 kontrate kolencar thovdile o hrami pe lil pe buhlipe e bershesko 2018 e kobaripeya kotar 9,401,040€.

• Pe kategoria e pokipyengi/aylukyengi thay divuno pokipe, kotar o finaluno bujeti garavdilo love vash 211,298€ ( vash kolenge na pashardilo dudlaripe kotar o jevapyune ofisiyalune personya) phikoipeya e startyune bujeteya.
• O finaluno bujeti vash o malya thay resursya ano phikoipe e startyune bujeteya bayrilo sine vash 490,934€, shukar hema biumlavipea kotar akava nivelo e realizipesko sine numay kotar 90%. Ayekha ini dinamika e realizipeski na sine ani harmonia e planifikipyencar feri so 32% e harjipyengi kotarc akaya ketegoriya realizisali ano duy mesek/qhon e agor bersheske, akava ulo vash o sebepi e na shaipesko e komunako vash te planifikinen thay te menajinen shukar e bujeteya ani dispoziciya;
• O finaluno bujeti vash o komunalune resursya ano phikodeipe e startyune bujeteya sine bayrilo kotar 163,775€ thay e komuna resla te harjinel numay 61% e bujetesko vash akaya kategoria. Ayekha ini si mahatno te lepargyol o obligipya vash akaya kategoria kay hraminde baryaripe kotar 37,000€ (kotar 8,000€ kobar sine ano bersh 2017, ano  45,000€ ano agor e bershesko  2018);
• E Komuna lela ini grantya kotar o donatorya e kobaripeya kotar 561,819€, thay realizisale numay 30%.
• Ayekha e komuna ini lela borji kotar 523,409€, kola harjisale ani kategoria a melyengo kotar 156,008€ ano dierktoriati vash o Siklipe thay Sastipe.
  Lugyargyola e seria… lafi mahabeti thay kahaveya.

(O Autori si ofisiyaluno jeno e KDI-esko ano Prizren)

Misal;
O Hramipya e opinyonyego si vakeripya e tromale godinipyengo, thay na ano sasavipe reprezentinena o prastavya e portalesko www.radioromanoavazo.com.