Aktualune Nevipya
Agorutno informipe
- 23/11/2020
- By Romano Avazo
Share
Taloministri e Agro Kulturaka Ministriako, r.Erxhan Galush cidlavast e partiatar PREBK
Avdive pe data 22 novembro pe ora 10:30-11:00, o Erxhan Galushi, taloministri e Ministriako vash o AgroKultura, kotar e romani partia PREBK, mashkaro rafin facebook informinla kay cidlavast kotar o posti kova sile ani akaya partia.
Erxhan Galushi phenla kay o sebepi kay ov ulavdilo akala partiatar si: nashurkarni thay yekhrigutni buti kotar o sheruno e partiako, Albert Kinoli, thay 0% interesi te keren shukarni buti thay te yaverinen e partiaki struktura.
Ani aver rig vi o deputeti e romana partiako, PREBK, Albert Kinolli, mashkaro facebook informinla kay o Erxhani nasi veke kotor e Partiako.
"Ano anav e partiako, PREBK, thay ano moro personaluno anav, janglarava kay o Erxhan Galushi, kova sine taloministri ani Agro Kultura, na si veke kotorleutno e partiako. O sebepi si: kay o r.Erxhani na garavela e partiako interesi, nasile khetano butikeripe e partiake jenencar, na konsultinelape e sherunea thay e partiake strukturencar vash o aktivitetya.", phengyola ano r.Albert Kinolesko postipe.
