Agorutno dive e alosaripaska kampanjako,politikune partie phandna e kedipa

868

Alosaripaski kampanja e politikune partiyengi vash anglovahtyune alosaripya vash kosovako Sombershipe,agorinla adive pe deshto dive.

Kampanja koya shrdingya pe 25 septembro ka phangyol adive  e agorutne kedipa  kota politikune partie ano nesave  komune.

Pe lungipe akale deshe divengo e kampanjako,ponj kandidatya  vash sherunoministri thay kandidatya  vash deputetya  kota 25  politikune subyektya lele drom  ano sakova than kote mothavde   program thay  rodinde  te dengyol pakyavipe kota dizutnengi rig   vash te phiraven o than.

Adive politikune partie thay kandidatya vash sherunoministri ka adikeren aver  kedipe,sar ini   agorutno kedipe.