O sherunoministri Kurti, ano leskoro agorutno lafipe/vakeripe angleder o votuipe e mocia vakergya nesave lafya. Ano yekhto lafi sine yekh naysipe vash o ministri Anton Quni kova tentingya vash te kerel yekh dialogi vash arakhipe e problemeskor mashkaro kualiciake partie. O Kurti phengya kay LDK sinelen kedipe e ambasadorea Grenell. “Amen ka lugyara te kera thay te dopsina amare butya, numay na sar may angle, palo pelaripe e raipasko” Potencingya kay nasile o garavdo lekanipe Thaqi-Vuciq, thay te ovelole sine nashti garavla sine averendar.

Nashti kergyola thay hramingyola o lekanipe bi phaglo mande, se vi on janena kay me sim may votuimo manush ano duy poslune alosaripya, akalestar nashti phagyovava. “Na sine e Mustafaski ideya e biacarutni situacia. Akaya ideya sine e presidenteski Thaqi. Seske yekh dive bi vakerdilo vash akaya situacia o presidento khargyama ano telefoni thay puqlama vash te nakha ani buacarutni situacia kote me yekhafarata phengyum Na” sine o alavya e Kurteske.

Me te ovav sine sherunoministri ni e damarkacia nashti votuingyola. Akava sombeshipe votuingya but bilache lekanipya. Mashkar lende odoya 15 viraynengi mashkaro Thaqi-Daciq. Akala sine nesave alava kola hramingyona sar agorutne alava taro sherunoministri e Kosovako, Albin Kurti. Palo akala alava o manush kova akhardilo taro LDK, Arben Gashi prezantigya e mociako procesi kote palo akava e sheruni Vjosa Osmani kergya o votuipe. Palo votuipa, o vote pherdile vash pelaripe e raipasko thay akaleya avla o agor e Albin Kurtesko sar sherunoministri.