Adikergyola traynipe vash o krisyuno hako thay ajutipe

233

Avdive, pe data 23.06.2020 adikerdilo traynipe ano offisi e Radiosko “Romano Avazo” ano kuadri e proyektesko “ Drejtwsia vlenw” e motoa “Shtrije doren per ndihme ligjore” vay “Lugyar to vast vash e krisyengo azhutipe” vash e ternengo janglaripe kola si e komunitetyenge liderya.

O traynipe pashargya e ternege informacie phando e krisyenge procesyencar, e komunitetyenge zoralipe vash te roden pere hakaya, pheripe vullneto vash te roden pere hakaya kotar e krisyenge mekanizmya thay e krisyengo impementipe. O than kote o manusha shay te roden pere hakya thay te len Juridikuno undaripe thay azhutipe bizopokipe shay te azhutinel tumara familiaki situacia te sine kay situmen ververune problemya.

Akava traynipe realizinde o USAID ano ledeipe e organizaciencar “Nevo Koncepti” thay “Durmish Aslano” kote lele kotor 10 terne kotar o komunitetya rom, ashkalie thay egiptasya kola si e avutnipaske liderya. O gendo bazirisalo ano respektipe e masyengo thay e angloaqhavipasko vash COVID-19, kote o terne qhivde vastalina thay maske.
Vash o radio “Romano Avazo” rayo Muhamed Elshani trayneri e akale traynipesko vakergya kay akala traynipya si ano ternengo favori.

“Akala traynipya janglarena amare ternen vash te orientinen amare komunitetetn kote shay rodna pere hakaya te sine kay silen nesavo problemi thay manglolape krisyuno azhutipe” potencingya o rayo Elshani.

Ani aver rig e rayna Edona Ahmetaj phiravni e proyektyengi kotar USAID, potencigya kay akala traynipya evolvirisale na numay ano Prizren, ini ano yaver Kosovake thana ;

“Akava traynipe bayargya o gendo e vullnetaryengo kolay shay ka oryentinen pere pashutnen ano adekuatno thana vash te eliminingyon olenge personalune problemya. O ledeyipe mashkar o Durmish Aslano kova phravgya amenge pere vudara, thay o Nevo Koncepti kova azhutingyamen ano realizipe e traynipasko sitov vash te ushargyol “
“ Phando akale kedipeya o terne juvla, sine interesime te shunen phando vash o kris kova pashakarla hako e dizutnengo ulavipe vash o roma na numay ano Prizren. O terne sine calarne akale kedipeya, kote mangena te adikergyon po buderi kedipya phando vash o kris.” vakerya e rayna Vera Galushi Paçaku, redaktora e radioski Romano Avazo.

Gylaj Qukiqi, kotorlehutni ano akava traynipe ulavdili calarni kote oy phengya kay akana lela kan may buderi vash o institucionalune pasharipya kola ajutinena e juvlenge vay e manushenge hakaya ;

“ O juvla silen pere hakaya, numay on na kamlape te daran vash te mangen pere hakaya, te oven beraberune ano ulavipe e barvalipasko. Te sine kay dikhena zori ano jivdipasko prandipe, on manglape te mangen pere hakaya, thay vash ten a oven viktima e negavitune situaciye. Akana lelam kan kay egizistirinela yek ofisi kava pasharela yuridikuno ajutime bizo pokipe “