Adikergyola Romano samiti e Ratorigune Balkanesko

426

Mashkarthemutni organizacia vash manushikane hakaya, Civil Rights Defenders dela pe janipe kay tetradi thay shoyuno dive ka adikergyol “Romano Samiti e Ratorigune Balkanesko 2018” John Stauffer, direktori vash Kris thay yaveruno direktori Rights Defenders,thay Karin Hernmarck Ahliny,ambasadora kota Shvedska ani Prishtina, ka puterel akava ovipe,numay ka vakergyol ini vash akademikune aktivistya kharde kota Cekia,Germania,Grcka,Hungaria,Kosova, Shvedska thay Turkiya.

“On ka vakeren vash teme sar isiton mangle ano politikuno yaveripe ani Evropa,roli e strategiako ano mareba kontra romengo diskriminipe,vash suro kola isiton pe qekat romano komuniteti ano Ratoriguno Balkani thay ani Turkiya,suro kola nashutne roma isiton mamuipe ani Turkiya,sar ini vash romane sfide LGBT thay vash kotor leipe e romengo”vakergyola ano penjaripe.

Res e Romane Samitesko ano Ratoriguno Balkani,kova shrdingya pe 2015-to bersh isito pelaripe e godyako pe dominimo antiglobalizam, sistematikuno diskriminipe thay ushkavipe e manushikane romane hakayengo ano rayoni thay kharipe dogrimo e raipnikano Ratoriguno Balkani vash te araklol sasavipeya mashkarthemutno standardi e manushikane hakayengo.