7 SURYA E covid-19 ANO PRIZRENO THAY 33 AVER ANI SAH KOSOVA

90

Irati pe data 7 Yuni, ano Laboratori e Mikrobiologiako IKSHPK, e metoda RT-PCR, testirisale 296 mostre kola lelile e Infektivuna Klinikatar thay nakhindoy palal o kontaktya e pozitivune suryengo ano terreni.

 

E SARS-CoV-2, konfirmisale 40 surya.

 

O pozituvune surya si: kotar e Prishtinaki komuna 10 surya, 8 surya kotar e Vushtria, 7 surya kotar Prizren, 6 surya kotar Fush Kosova, 5 surya kotar Obiliq, thay po yekh suro kotar Skenderay, Gilana, Rahoveci thay Mitrovica.

E datatar 8 februari jip e data 7 yuni sastile 6 pacientya kola ingarde o gendo sahosah 890 surya kola sastile.

Ji akana ano Laboratori testirisale 16 mile 674 surya, kote e virusea SARS-CoV-2 pozitiv ikliste mile 234 surya thay 31 surya rezultisale meriba kola sinelen pe amalipe vi aver nasvalipya.

IKSHPK sitoy nakhindoy palal thay pe kontrollipe e situaciako ano 24 orya, kote on si pallo kontaktya, kontaktyenge kontaktya, o izolime persoyna thay odola kola ajukerena medicionaluno azhutipa te sine kay silen simptome.

Ano globaluno niveli leipa e datatar 31 decembro ji pe 6 yuni 2020 raportisale 7milioyna, 019 mile, 934 surya e COVID-19 thay 402 mile 809 surya kola vash e bibaht yaverinde pe jivdipe.