Avdive, pe data 27 augusto pe ora 10:30 ano restaurant "Marashi" shrdingya o kedibe phando o kapitalune investipya kova organizisalo kotar o OSBE kova akseptingya o rodlaripe kotar o Ofisi vash o komujitetya thay iranipe.

Ano kedibe vakergyola phando e e buxhetesko planifikipa vash o kapitalune investipya ano bersh 2021 koya angle nesave dive e Prizrenoski Komuna ulavgya e Prizrenoske beshutnencar yekh formulari koleya shay kerna rodlaripa phanglo e mahalencar kote on beshena.

Akava kedipe konsideringyola sar yekh aktiviteto kova dela shayipe te debatingyol vash o laqaripe e komutetyenge ano proceci e buxhetipasko ano Prizrenoski Komuna.

Ano akava kedibe lele kotor oficialno butikerutne, sherune e organizacienge, mahalenge muyale, muyalo kotar o diktorati vash o finance, vi ayekha o taloministri e Ministria vash o Garavipe, r.Muhamedali Merxhollar.

Ano agor e kedibasko ajukergyola te gatisargyol yekh rodlaripa kote ano andripe ka oven o rekomandipya kotar akala manusha phando laqaripa e romenge, ashkalienge thay egipqaynenge mahale kote yekhatar ka adresingyol ani Prizrenoski Komuna vash o sebepi kay taysa sitov agorutno dive kana shay adresingyona o rodlaripya.