205 SURYA E COVIDEYA-19

77

Pe data 10 yuni 2020, ano Laboratori e Mikrobilogiako ano IKSHPK e metoda RT-PCR, testirisale 388 mostre kolendar 205 ikliste pozitiv.
Akana o o gendo e infektime manushyengo resto 4.512 persoyna kola silen o virusi SARS-CoV-2, thay 97 surya kola rezultisale meripa kote sinelen vi aver nasvalipya.
Ani aver rig 61 pacientya sastile, akana o gendo e saste manushengo si 2.156 surya thay akvitune persoyna si 2.259.

O pozitivune surya si kotar: e Prishtinaki komuna 87 surya, Ferizay 25 surya, Prizren 16 surya, Fush Kosova 14 surya, Poduyeva 13 surya, Mitrovica 9 surya, Pekya 5 surya, Vushtria 5 surya, Obiliq 4 surya, Shtimla 4 surya, Dragash 3 surya, Lipyan 3 surya, Rahoveci 3 surya, Drenas 2 surya, Istog 2 surya, Gjakova 2 surya, Kacanik 2 surya, Skenderay 2 surya, thay po yekh suro kotar o komune:Klina Malisheva, Suhareka thay vrtlorigutni Mitrovica thay Suhareka.

Pakyavale dizutne!
O virusi si sakote! Rujinatumen respektineni o rekomandipya! O virusi tasavla/mudarla!
Sakova dizutne musay si te implementinel o rekomandipya kotar o Nacionaluno Instituti thay e Sastipaski Ministria vash te garavel peste thay pere pashutnen.
Situmen obligipe te adikeren o maske!
IKSHPK kerla apeli e dizutnenge, biznesyenge, gastronomiake, te respektinen e fizikuni distance, vastipe e maskengo, dezinfektipe e lokaylengo, vash te na muken e buhlipe e infeksionesko.

Sakova ushkavipe e masengo thay e rregulengo konsideringyola e averengo jindipasko rezikipe. Niko na silen hako te rizikinen tumaro, e phurengo thay e kronikune nasvale persoynengo jivdipe saday kay nasilen godyalipe vash te respektinen o decizie thay o rekomandipya.

Lugyareni adikeripa e maske thay e fizikuni distance!
Thoveni tumare vasta butiver ji 20-30sekondya!
O lokhipe e masengo si vash te ova may godyale thay godorne!