Aktualune Nevipya

200 familie kotar o komunitetya roma, ashkalie thay egipqanya azhutisale kotar o DBS

  • 29/04/2020
  • By Romano Avazo
Share

E datatar 13 Marti 2020, palo konfirmipe e duy anglune suryengo kola diagnostifikisale e COVID-19 palo testiripe kotar o Nacionalno Instituti vash o Sastipe ani Kosova, e Kosovaka Republikako Raipe ano beraberipe e Ministria vash o Sastipe shrdinde te len anglune mase vash e virusesko angloaqhavipe.

Akala datumestar sa o institucie shrdinde te angazhingyon vash o menaxhipe e situaciako. Agyar ulo vi ani Prizrenoski Komuna, kote jiakana o Dreytorati vash Buti thay Sociala (DPMS), pe cekat e r.Fejze Kabashea, ulavde 800 emergentyune paketya kolendar 200 familie kotar o komunitetya rom, ashkalie thay egipqayna sine ano mashkar e familiengo kola triumfinde akava azhutipe.

Ayeka, e komunitetyenge familie ano pere khere triumfime varo thay emergentyno pako (habepiibe thay higiena) vash te pheren pere jivdipaske mangipya.

Pana po laqo nevipe si kay o DPMS sip e gatisaripe vash o duyto koro e azhutipasko kova si furnizinel 3000 familie. Ani Prizrenoski Komuna si te triumfinen sah o familie kola si pe sociala (839), familie kola rodinde azhutipe kotar e “Alo Komuna”, kotar Centari/Ofisi vash Sociala thay Buti (QPS), ano Ofici vash o Komunitetya thay sa o aver resursya. Thay sa o ledeipe akale akteryencar dengya shaipe kay so may but famile te oven triumfime kotar akava Komunako azhutipe.

Diklola kay o Dreytorati vash Buti thay Sociala (DPMS) sila zoralo ledeipe e Ofisea vash o Komunitetya (ZKKK), naraipne organizacie (roma vay naroma) thay e sah aver akteryencar vash te menaxhinel e situacia, vi ayekha te nakhavgyol e so may hari zianea kova shay avla e familienge shereste kola silen nashkurna jivdipaske kondicie vay vi aver thanutne.