Rodlaripe vash sastipe garavla jivdipe!!

228

Kanceri ano kolin te sine kay diagnostifingyola pe vahti shay te saslargyol thay pe normaluno jivdipe na si varesavo pharipe. Sakoya juvli pedro 20 bersha shay te kontrolishinel kolin yek ver ano qhon.

Ayeka kay sakova chon,numay yek ver ano chon,tumen shay te dikhen yaveripe,missal te calaven sakana dayk konjako (gunga)ayeka kay pe akava suro rodingyola konsultipe e saslarnesta. Korkoro kontrolipe shay te diklargyol ini calaiba Angledo dikhavni (ogledalo) dikheni bayaripe e kolinesko,forma,thay yaveripe,numay parmakyenca calaveni kolin.Sasto vast-solako kolin thay solako kolin sasto vast.

Simtomya Yek kota sherune simtomya isiton:yaveripe e kolinesko,forma thay bayaripe,cidipe e morkyako,thavdipe kota o kolin,thay koynakya tali khak. Diagnostifikipe Yek kota may angluno diagnostifikipe e kanceresko ano kolin isito klinikuno ekzaminipe.Numay diagnostifikipe kota specialuno saslarno-radiolog,yek but vastyuni metoda isitoy mamografia+ ultraavazo, specializimi aparatura vash dikhipe e kolinesko.Skala e mamografiaki isitoy 85-90%.

Dengyola godi kay korkori kontrola te ovel yek ver ano qhon,klinikun vizita ko specialist yek ver ano shov chona,numay mamografia sakova duy bersha sasavipeya dikhipa kota suro thay bershenda.