Hasabe isito may shukarno dikhibe ko manusha. Savorenge isito penjardo lafi “Hasabe”sar may shukarno medikamenti.Ini kay na diklova but shuka ulavipe vash baht ano momenti kana startina te hasa shay pozitivuno te ova disponime sar ini akava isito po shukarno vash sastipe.
Hasabe isile buderi anglipya, hasabe isito may penjardi ekspresiya moski thay, univerzaluno signali vash “Baht”.
Hasabe yaverinla o disponipe
Ekspertya dena pe janibe kay hasabe dela azhutipe vash te diklova po loke. Ini kana na siyen pe disponipe gndineni po odova may shukarno ayeka hasaba kay truposke anla plus, thay indrina negativune emociye. Hasabe isito infektivuno ,ayeka kay te sine dayk personi hasala pe tumaro prezenti siguripa isiyem kay anla losh thay but sasvipeya shukarni atmosfera.
Hasabe zorakarla imuniteti.
Hasabe dela azhutipe ini amare fizikalune sastipaske. Pe lugipe e hasabaske trupo muklola ,muklona hormonya endorphin thay serotonin kova lokyarla duk. Hasabe lokyarla stresi thay telarla rateski tenziya
Zorakarla pakyavipe
Kana hasana,manusha isilen po baro pakyavipe pa tumende,a hasabe pe tumaro muy dela azhutipe ini vash po loke te keren afi.
Ternakarla
Pe lugipe e hasabasko vastingyona 5 ji pe 53 muskulya ano muy, a po buderi hasabe ternakarla e manushe.
Bebe isiton biyame hasaba
Nevebiyame ini kana sovna olengo muy hasala a o expertya vakerna kay qaqutno hasabe janglargyola 4 masekyenda numay shofto masekesta thay po buderi numay qaqipe iisto odova kay o bebe startina te hasan ani lindra odoya ver kana on biyangyona.
